اسمع مجرب
انا باختصار مش عندي مشكلة
عندي تجربه اتمني تفيد حد
كنت ولد مؤدب جدا ابن ناس جدا
مليش في اي حاجه خارجه... مؤدب وانطوائي وخجول لحد كبير جدا
كان في حياتي حب وحيد... كانت جارتي وكان مفيش غيرها... مكنش ليا حتي زملاء بنات.... من ابتدائي لحد الجامعه
فجأة وبدون اي مقدمات سابتني... تعبت جدا وقعدت فتره كبيره مش مصدق... حاولت اوصلها كتير معرفتش المهم فقدت الامل اني ارتبط لاني زي ما قولت مكنش ليا اي علاقه نسائيه من اي نوع
انا كنت معتدل يعني... مش متدين بشده ولا منفلت
امي واختي انهالو عليا بعد التخرج بعرايس وبنات ومعارف وكدا
في مره من المرات كنت بتفرج علي عالم دين في التلفزيون وقال صدفه ان من اهم ادعيه تيسير الزواج هو الدعاء الي دعا به سيدنا موسي في سورة القصص وهو (( ربي اني لما انزلت الي من خير فقير)) بعدها ربنا رزق سيدنا موسي بزوجه وعمل ورزق وكدا.....
خطبت احلي واجمل بنت في الدنيا بعدها بشهر... كان في مشاكل كبيره في الجهاز والترتيبات وكدا.... المفاجأة انو اتجوزنا بعد سنه واخده بس.... متجوزين دلوقتي بقالنا اكتر من 10 سنين.... عندنا احلى 3 اطفال في الدنيا.... ربنا وسع علينا جداا.... وبنحب بعض جداااا
.... اصحابي الي يعزو عليا كنت بنصحهم بالدعاء ده.... بس المثير الإنتباه ان كل الي اقوله علي الدعاء ده بلا مبالغه ربنا يسرله الزواج والحمد لله زيجات ناجحه
- ))ربي اني لما انزلت الي من خير فقير))
محدش ينسي ان ربنا سبحانه وتعالى قال (( فقلت استغفروا ربكم إنه كان غفارا... يرسل السماء عليكم مدرارا.... ويمددكم باموال وبنين.... ويجعل لكم جنات ويجعل لكم انهارا)).... الحلول عندنا بس احنا بنروح لكل الناس ولكل حد الا ربنا
صدقوني القرآن كله كنوز... كله راحه... كله هدي لكل مشاكلنا ومتاعبنا
والي هيدور هيلاقي وربنا هيفتح عليه ويهديه.... ومين عارف ممكن تكون سبب في انك تهدي او ترشد حد غيرك تايه وتعبان
يارب ❤❤
