زعلانه على بنتى

***من غير تقطيم علشان بجد مكنش فيه اي سبب مرفض علشانه والموضوع دخل في حتة الشك 
عايزة حل ازاي احنن قلب بنتي علينا 
بعد ما اتخرجت اتقدملها شاب كويس جدا اي حد يتمناه عنده عربية وبيت لوحده ومحترم ومامته عايشة بره مصر يعني مكنش فيه اسباب انها ترفض 
رفضته بدون سبب وبحجج فاضية وابوها وقتها وافق وهو كان عنده حق بصراحة 

يوم الصباحية جسمها كان مليان آثار ضىرب وعند ايدها محزز كانها كانت مربوطة وهي فضلت تقول ضىىربني وربطني وعمل وعمل كنت افتكرها بتكدب  بس هو قال انها هي اللي قاوحت ومسمعتش كلامه وڠصب عنه عمل كده وفضل يتاسف
وهو محترم معانا جداوياما ساعدنا في حجات كتير بدون ما نطلب منه فأكيد عمل كده علشان اسىتفزته 
حاليا عملتلنا بلوك من كل تطبيق لو زورناها ممكن تقابلنا وحىش او تطلع اوضتها  وتسبنا ولا تعبرنا بكوباية مايه وكنا بنكلمه هو ويطمنا انها كويسة وبقت بتسمع الكلام وكويسه معاه بس الاسبوع اللي فات مامته رجعت من السفر وكانت منزلة صورها معاهم وفيديو وهما في العربية وفي المكان اللي اتفسحوا فيه بنتي في كل الصور زعلانة مبتسمتش حتي وحاليا زعلانة عليها جدا 
اول حاجة علشان اديلي ٣ شهور مسمعتش صوتها حتي ولما شفتها شفتها صدفه بسبب حماتها 
تاني حاجة علشان بتعاملنا كده نفسي ترجع زي مكانت وتسأل عليا وتكون حنينة عليا 
+انه جوزها كويس وبيخرجها ويفسحها يعني ممكن تكون هي بس اللي نكدية شوية حتي لما نكلمه ويجي يديها الموبايل مبترضاش تاخده