انا بنت وحيده ماليش اخوات و امى توفت و انا صغيره ٣ سنوات و بابا ربانى لوحده لحد ما بقى عندى ٣٠ سنه و جاله کانسر و فضل يتعذب ٣ سنين و توفى ...
خلال ال ٣ سنين دول انا تحولت من الطفله الدلوعه الوحيده اللى ابوها مدلعها و كل طلباتها مجابه ل ست بيت درجه اولى و أم لوالدى و ممرضة كنت محشوشه مبلغ صرفته على جلسات الكيماوى و العمليات و الدكاتره فى البيت لانه كان قعيد كمان ف كان حبيبي انا مامته و كل اهلو وحبايبو وشلت مسؤليته
قبل الوفاه بحوالى ٧ شهور كنت متدمرة نفسيا و بروح لدكتور نفسي و الوضع كان بشع لانى زعلانه على والدى و على نفسي و كمان كنت قاعده من الشغل علشان لازم حد ياخد باله منه لاننا ملناش حد
احتجت لمبلغ مادى فى حدود ١٠ الاف جنيه استلفتهم من صديقة عمرى عشرة ١٥ سنه و انى كل شهر هديها جزء و بدأت اصرف منه على البيت و مش عارفه بكرة شايل ايه
بعدها لقيت والدى مكلم صديقه يجى يقعد معاه يومين و بيعيطلى انى لازم اسافر اغير جو فى اى حته و انى بقيت ست عجوزه من الهم ولازم اشم هوا عشان اقدر اكمل استجبت لطلبه بعد الحاح و سافرت اسكندريه يومين ولانها صاحبتى ف بحكيلها كل حاجه لقيتها اتغيرت من ناحيتى و قالتلى انتى سالفه منى فلوس عشان تصرفيها فى السفر !
وطريقتها اتغيرت معايا تماما و راحت اتكلمت وحش عنى مع اصحابنا و ان هى عاوزة الفلوس هى طبعها من النوع لو استلفت منى ٢٠٠ جنيه تردهم لو احنا فى كافيه تحاسب على حاجتها .. المهم توفر فلوسها مره خرجتها مع اصحابي احرجتنى قدامهم كنا فى سينما و قاطعين تذاكر و هندخل قالت انا عطشانه و طلعت من السينما و المول كله و راحت تجيب بيبسي كانز من الكشك من برا المول عشان المول غالى البنت دى مش ظروفها على ادها ولا ممعهاش لا
بتشتغل فى مكان مرموق وظيفه كويسه وربنا كارمها بس عمر ما شكلها او عيشتها اتغيرت او بان عليها
ف انا كنت عارفه ده من زمان و كنت بقول صاحبك على عيبه انا عارفه انها بخيله و حريصه مش لازم تكون هبله زيى بتعزم كل الناس و كمان فى فرق مادى و اجتماعى بينا بس طول عمرى صاحبتها و عمرى ما حسيت بالوصف ده غير لما حصلت المشكله دى
