انا متجوزه من اربع شهور الحمد لله حامل بس تعبانه شويه ماما قالت لجوزي اني اقعد شويه عندها لاني تعبانه ومش باكل كويس جوزي خدني عند ماما وكل يوم او يومين يجي يبص عليه ويشوف طلباتي من خمس ايام اخت جوزي اتصلت عليه بتقولي انها واقفه ع باب بيتي تحت قلتلها انا عند ماما تعبانه قالتلي معقول الف سلامه ماما خدت التليفون قالت لها تعالي عندي مرضيا مع اني ساكنه جنب ماما بشارعين بس اخت جوزي رفضت وقالت هبقي اجي مره تانيه
جه جوزي حكيت له اللي حصل قالي براحتها قلت له انت مقلتلهمش اني حامل وتعبانه قالي لا سكت تاني يوم لقيت البوابه بتتصل بيه تقولي ان اخت جوزي جت امبارح هي وعيالها وقعدت ع باب الشقه وبعتت ابنها جاب نجار كسر قلب الكالون وفتحت الشقه ودخلت وقعدت طول النهار في شقتي وبعتت البوابه جابت اكل البوابه بتقولها هي المدام والأستاذ عارفين ان حضرتك كسرتي باب الشقه ردت اخت جوزي قالت لها انتي مش عارفه انا مين البوابه قالت لها انا شفتك هنا كتير اخت صاحب الشقه بس بسالك عشان محدش يقولي حاجه والبوابه بتحكيلي بقيت اقولها معقول حصل كده وقفلت مع البوابه اتصلت بجوزي قالي عادي اصلها جايه من بعيد محصلش حاجه قلت له ازاي تيجي من غير ماتقول
المهم جه جوزي بالليل عند ماما واداني مفتاح الكالون الجديد وماما مفتحتش بقها ولا اتحشرت تاني يوم لبست انا وماما وروحت شقتي اقسم بالله كانها زريبه اخته مبهدله الشقه حتي ماعملتهاش بعد مااكله حتي المطبخ زي الزفت مواعين كتير والشقه متبهدله مع ان ماما كل كام يوم تروح تروق الشقه وتحط اكل لجوزي في الثلاجه زعلت اوي وكلمتها لقتها صندوق زباله واتفتح عليه وقالت لي انا اجي في اي وقت ده شقه اخويه قفلت في وشها السكه لقيت جوزي بيتصل بيه يشتىمني ويشىتم امي شتىيمه قىذره روحت اتصلت بابويه واخواتي واهلي جه أبويه غير كالون الشقه وقال لجوزي لو راجل ابقي تعالي وهات اختك اللي بهدلت شقه بنتي بابا مصمم ع الطىلاق اعمل ايه وانا لسه في اول جوازي وحامل
