اخو جوزى طلق مراته
السلام عليكم انا متجوزه من سنه وحامل في سابع شهر وقربت اخلصه وادخل الثامن
جوزي له اخ طلق مراته وصمم ياخد منها الاولاد وتكتب تنازل عنهم عشان يوافق يطلقها وفعلا تنازلت وكمان اهلها مكنوش مشجعين انها تاخد ولادها فرحبوا اوي لما اخو جوزي طلب العيال وهي مجبورة على التنازل عشان تاخد كامل حقوقها بدون محاكم المهم هما ٣ أطفال جوزي واخوه ملهمش غير اختين متجوزين وابوهم وامهم متوفين وجوزي جابلي الاطفال ديه بقالهم عندي ٤ شهور وقالي لحد ما يجمع فلوس يقدر يتجوز بيها ومش هيتاخر عن شهرين او ٣ بالكتير و ياخدهم وبقاله دلوقتي ٤ شهور وراح اتقدم لوحده قالهم هجوز بعد سنه على ما اجهز بس رفضوه لما عرفوا موضوع ٣ اطفال ومفيش حد هيوافق يجوزه وهو معاه ٣ وهيبقى عاوزها تربيهم وبحاول اقنع جوزي بكده يقولي يعني هقوله ايه مقدرش اقوله حاجه ده اخويا الكبير ويوعدني انه يدور معاه على واحده عشان يسرع الموضوع بس مفيش حاجه بتحصل ويقولي انتي بتاخدي ثواب ويفضل يقنع فيا دلوقتي انا اخدت قرار اني اول ما ابدء في التاسع والموضوع ده منحلش هروح اقعد عن ماما ومش هرجع تاني غير لما يرجع العيال لاخوه او يشوفله حل تاني بس مش عاوزه اقوله دلوقتي عشان ميضحكش عليا بالكلام زي كل مره
