حماتى
انا اتجوزت من شهر
ومامته لازقالنا من اول يوم
اقسم بالله صحيت ع صوتها يوم صباحيتي داخلة الاوضة تصحينا
وعملت معاه مشكلة اليوم ده وقالي مفيهاش حاجة
ومقيمة معانا من ساعتها مش عارفة اشم نفسي .. ويا ريت لوحدها ساحبة معاها احفادها اللي متضطرة اكلهم واخد بالي منهم عشان امهاتهم مش فاضيين بيشتغلوا
في ايه انا عروسة لما دي اول ايام جوازنا اوماال بعد كام سنة حياتي هتبقي عاملة ازاي
انا ندمت اني اتجوزت والله ندمت
لو الزمن يرجع بيا لورا مش هعملها
بالله عليكو من غير كومنتات مثالية من ناس عاوزة تعمل شوو مفيش اي بنت ع وجه الارض هتقبل بالوضع اللي انا فيه ده .. انا حتي مش عارفة اكون ع راحتي ف اوضتي !!.
ولو قفلته بالترباس تبقي ليلتي سودة ومعندناش بنات تقفل ع نفسها بالترباس .. وبتعلق ع كل تفصيلة ف اكلي ولبسي وتصرفاتي انا حاسة اني محاصرة ومش عارفة اعمل الاكل اللي بحبه مش عارفة انام وقت مانا عاوزة مش عارفة اعمل اي حاجة مش حساه بيتي وتقولي انتي عاوزة تاخدي مني ابني انا اللي ربيته وكبرته يا ستي
مانا كمان اهلي كبروني وربوني ومش بيعملوا اللي بتعمليه ده وبعدين ماكنتيش جوزتيه وخلتيه قاعد جنبك ومتقرفيش بنات الناس .. انا طبعا مش بقول كده انا بطلع غلي معاكو عشان هتشل لو مخرجتش اللي جوايا
قولولي اعمل اي عشان اغير الوضع ده او اتطلق معنديش استعداد اعيش ع الوضع ده واللي هيقول امه افضل منك يا عم امه افضل مني وع راسي من فوق بس انا كمان ليا حقوقي وابسط حقوق ليا اعيش ف راحة بال ف بيتي اطبخ اللي يعجبني والبس اللي يعجبني
وانام وقت مانا عاوزة احس انه بيتي يا جدعان دانا ف بيت اهلي كنت مبسوطة اكتر من كده ومش حاسة بالحصار ده وهو شخصية سلبية بدرجة فظيعة لا بيحل ولا بيربط ولا بيعمل اي حاجة
