مراتى مريضة نفسيا

السلام عليكم ورحمة الله وبركاته 
استاذ ناصر ممكن تنزل المشكلة واقسم بالله اني صادق في كل حرف و عاوز اعرف بس انا غلطان وظالم ولا لا
انا دلوقتي طلقت مراتي بعد جواز استمر ٩ سنين ومعانا طفلين سبب الطلاق انها كانت عاوزه ټموتني وانا نايم لانها اصيبت بحالة نفسية سيئة جدا بعد ۏفاة امها في 2019 
ومن الصدمة جالها وسواس اني بتكلم عليها مع الناس وبشكي منها ومع اهلي وان اهلي بيقوفوا في الشارع تحت البيت يشتموها ( هما ساكنين امامي بس مش في نفس البيت ) وكل اللي هي بتقوله ده محصلش وديتها لدكتور نفسي تتحسن شوية وتقطع العلاج بعد ما تتحسن فالحالة ترجع تاني في مره قومت من النوم مڤزوع وحاسس ان حد كتم نفسي بس لما صحيت قالتلي ده كابوس وده جاثوم وقعدت تشرحلي بيحصل ازاي والله مخدتش في بالي وصدقتها لحد ما في يوم تاني كنت لسه مروحتش في النوم وحسيت بيها بتحط المخده على وشي و عاوزه تكتم نفسي بيها وكده اتاكدت انها هي اللي عملتها قبل كده مسكتها ضړبتها وجررتها وانا بقولها ليه انا عملت فيكي ايه تقولي شكلك مستفز ومبقتش طايقاك انت ولا اهلك وقعدت تقولي حاجات تاني بعملها وطبعا ده من دماغها ومحصلتش ابدا 

وكلمت اختها واخوها جولي البيت اخدوها طبعا وهما في قمة الاحراج وبعد يومين جالي اخوها وهي بعتت تعتذر وانها مكنتش في وعيها وانها مريضة ومش هتقطع العلاج تاني وهتابع كويس ومش هتهمل في العلاج لكن انا قررت أطلقها وفعلا طلقتها من شهرين وتركت لها الشقة وكل حاجه ومصاريف ببعت لها كل المصاريف وقاعد عند اهلي ومتابع كل حاجه لانهم امامي بس هي اغلب وقتها عند اهلها ولسه اخواتها بيحاولوا معايا نتصالح قبل العدة ما تخلص وانا مش عاوز ارجع وهرفع قضية واخد ولادي منها لاني خاېف عليهم منها جدا بسسبب مرضها ده 
هل انا غلطان او ظالم زي ما هما بيقولوا عليا كده للناس وانها كانت تعبانه شوية وانا مستحملتهاش وقليل الأصل؟