كما تدين تدان
هي مش مشكلة ، هي رسالة شماتة لواحدة هتعرف نفسها كويس اوي بعد ما تقرأها و اتمني تنزل رغم اني عارف انها ضد سياسية الصفحة بس نفسي المقصودة تشوفها
_فاكرة لما ساومتيني عشان اشوف ولادي 3 ساعات بس في الاسبوع و طلبتي أدفع ضعف النفقة اللي حكمت بيها المحكمة يعني 70% من مرتبي و انا عارف أنه 2/3 الفلوس اللي كنت ببعتها لك بشكل ودي رايحة ليكي مش للاولاد !
لمجرد العند بس و انا متأكد انك متعرفيش هم في سنة كام حتي
_ طب فاكرة لما كنتي بتكىرهي الولاد فيا و علمتيهم أبشىىع الشتىىايم مخصوص عشان يشىىتموني بيها و يتفوا عليا ، بس هم معذورين كان عندهم 4 سنين بس .
_ طب فاكرة لما خدتي الشقة بحجة الحضانة و جبتي اخوكي و مراته الشقة يقعدوا معاكي و يوفروا الايجار ، في نفس الوقت اللي انا كنت كل اسبوع قاعد عند واحد من صحابي لحد ما عرفت اتصرف في شقة ايجار !
_ طب فاكرة لما روحتي الشقة و نزلتي العفش و انا مش موجود و بعدها روحتي رفعتي قضية بالقايمة و خلتيني دفعت ثمن حاجات هي معاكي أصلا و فوق دا انا اللي كنت جايبها وقت الجواز مش انتي و بقيت علي الحديدة و بعت كل حاجة الا الشقة اللي خدتيها مني بعد كدا !
أقول ايه بس و لا ايه انا ممكن أكتب كتاب من 100 صفحة عنوانه " طب فاكرة " دول 10 سنين من وقت طلاقنا و انتي كل همك نفسك و شغلك بس ، لو ولادي دول لاقياهم في الشارع مش ولادك بقي مكنتيش هتربيهم و لا تعامليهم بالطريقة دي . انا مستحيل أسميكي أم ، لو دورت علي مضاد لكلمة أم في قاموس هلاقي اسمك يا سلمي
عمري ما فرحت في مرض حد بس انتي استثناء أول و آخر مخلوق هفرح فيه ، يوم ما عرفت انك عملتي حىادثة و هتعيشي باقي عمرك علي كرسي متحرك كنت في قمة السعادة
انتوا الاثنين تستاهلو اللي بيحصلكم لو فيه شعور اقوي من الشماتة فيكم هتلاقيه عندي
كان نفسي اقولك دا في وشك او في مكالمة بس تربيتي منعتني
