ندم عمرى
اتجوزت اللي حبتني واللي دايما كانت اختيار تاني وكنت بلجألها لما ابقا متخانق مع التانية والاقيها دايما مستنياني اكلمها.. كنت عارف انها بتحبني وكنت ف منتهي البجاحة وانا بحكيلها عن مشاعري مع التانية..ورغم كل حاجة كنت عاوزها دايما ف حياتي.. البنت الجدعة اللي ډمها خفيف وبتخرجني من الموود بضحكتها وهزارها وروحها الحلوة.. مش عارف ازاي مكنتش عارف احبها !!. حتي بعد ماتجوزتها لما التانية سابتني بردو معرفتش احسها .. حابب وجودها بس مش حاسسها !!.. ولما التانية رجعت زي العلق جريت عليها ولأني عمري ماكلفت نفسي احس بۏجع وحدة عندها استعداد تضحي بالدنيا كلها عشاني مهتمتش بمشاعرها ماهي دايما موجودة ودايما اختيار تاني ف حياتي لما التانية تدوس عليا بالجزمة.. اتجوزت التانية وكنت فاكرها هتقبل وتفضل بس المرادي هي انسحبت .. كنت فاكرها مضمونة ف حياتي وهتفضل طول الوقت موجودة بس ف يوم وليلة مش بس سابتني دي سابت البلد كلها وهاجرت .. حاولت اتعايش مع الوضع وانت ف الآخر اتجوزت اللي بتحبها بس اكتشفت ان اللي فاكر نفسي بحبها دي انا عمري ماحبتها !!.. انا كنت حابب انها صعبة ومش عارف اوصلها .. او يمكن لانها كانت بعيدة كنت راسم ليها صورة ف خياالي ولما قربت اكتشفت ان الحقيقة مختلفة جدا .. انا دخلت ف تجارة خسرانة وبعت الغالي بالرخيص .مش عارف ازاي مكنتش فاهم اهميتها ف حياتي .. حياتي من غيرها فاضية جدا .. لما جربت غيرها اكتشفت قد اي انا كان معايا ملاك موجود ع الأرض..
انا آسف.. اسف جدا معرفتش قيمتك غير لما خسرتك .عارف اني اكتر واحد اذيتك واكتر واحد جيت عليكي مع اني اكتر واحد كنت عشمانة فيه انه يعوضك ويكون سندك .. انا واثق ان فيه شخص هتقابليه هيعشقك وهيعوضك لانك مينفعش متتحبيش.. هتلاقي الشخص اللي يخليكي تنسي اليوم اللي شوفتي خلقتي فيه.. انا بتمني تكوني مبسوطة ف حياتك وتحبي اللي يعوضك عن اللي شوفتيه معايا.. دعوة صعبة جدا بالنسبالي بس انا مش عاوز اكتر من اني اعرف انك مبسوطة وبس .
