انا اتجوزت في ٢٠١٥ وربنا مرزقنيش بأطفال لحد ٢٠٢٢
٧ سنين وانا بعيط كل يوم لأني كان نفسي اوي في طفل وكنت كل لما بروح عند دكتور كان بيعقدني اوي وكل الدكاترة قالولي ان عندي مشاكل كتير والخلفه حتي بالحقن المجهري مستحيلة وانا ميأستش وعملت عمليات كتير واخدت ادوية وعلاجات كتير وبرضو فعلا مفيش فايده وقالولي علي دكتور كبير فقولت ده اخر دكتور اروحله وفعلا سافرت ورجعت محطمة نفسيا وجسديا لانه قالي متحاوليش اصلا ومرضيش يعملي العملية
المهم رجعت فضلت اعيط كتير اوي اوي وقولت لجوزي يتجوز وانا راضيه ومش هزعل ده حقك لكنه رفض وقالي اقفل علي الموضوع ده وهو مش عايز اطفال خدت فترة مكتئبه اوووي وكله بيحاول يساعدني اعدي المحڼة دي بس ڠصب عني مكنتش قادرة بجد،، في مرة كنت قاعده عند اهل جوزي وافتكرت كل اللي مريت بيه وقعدت اعيط كتير وانهرت حرفيا من العياط لقيت ابن عم جوزي وده ولد بركه بمعني الكلمة عنده ١٥ سنة لكن عقله يوزن بلد بجد،، نزل وقعد معايا وفضل يهديني وعطاني ورد استغفار اقراه كل يوم فضلت ٨ شهور مش بفوت يوم الا لما اقراه وسبحان الله كلامه مسح علي قلبي وخلي نفسيتي بقت احسن وبدأت اصبر واهدي نفسيا مع ان ناس كتير اوي كلمتني بس سبحان الله
في يوم لقيته باعتلي مسدج بيقولي انا حلمتلك حلم حلو جدا ابشري وروحي اكشفي
وفعلا روحت كشفت ولقيت نفسي حامل في شهرين ومكنتش تعبانة ولا حاجة سبحان الله 😍😍😍
وبعد فترة قال لجوزي حلمت اني شايل قطتين بتوعك وروحت عملت سونار طلعت حامل في تؤام والله،، ولد وبنت😍😍😍
اللهم لك الحمد
ربنا يبارك فيه ويحفظه كل ما بشوف وشه الملائكي بستبشر وبحبه اوي اوي لاخلاقه وقربه من ربنا وكلامه البلسم وأنه دايما موجود في لحظات الضعف اللي بتمر علي اي حد♥
ادعوله ربنا يشفيه ويعافيه ويبعد عنه الاذي والمؤذيين
جبت زياد وسِدرة ودلوقتي عندهم ٤ شهور ربنا يباركلي فيهم يارب🥹
