رواية ابن امه بقلم ملك ابراهيم
انت في الصفحة 1 من 19 صفحات
رواية ابن امه بقلم ملك ابراهيم كاملة جميع الفصول من الفصل الأول إلى الأخير، وهي رواية الكترونية جديدة وخفيفة باللغة العربية العامية
=يا بني أسمع كلامي وطلقها ولا اتجوز عليها دا الشرع محللك اربعه
احمد: يا ماما أنا بحب مراتي ومستحيل اتجوز عليها ولا اطلقها انا مقدرش اعيش من غيرها
والدته: ماتقدرش تعيش من غيرها ليه ان شاءالله دي حيالله مراتك
احمد: مراتي وبحبها يا امي
والدته: وهتفضل تحبها كدا لحد امتى وانت شايف اخواتك واصحابك فرحنين بعيالهم وانت بقالك 3 سنين متجوز وماشوفتش ضفر عيل
احمد: يا ماما دي حاجه بتاع ربنا ولسه ربنا ما أردش
والدته: طب قولي اخر مرة الدكتور قالكم ايه
احمد: شاف التحاليل الا انا عملتها وكشف علي عبير وقال ان احنا الاتنين كويسين
والدته: وياتري دا كلام الدكتور ولا كلام المحروسه مراتك وامها
احمد: ما انتي عارفه يا ماما ان انا مش بحب اروح لدكاتره وكانت عبير هي الا بتروح للدكتور هي ومامتها
والدته: ياخيبتك.. وانت صدقتهم مش يمكن مراتك معيوبه ومابتخلفش وهما خبوا عليك
احمد: لا يا ماما عبير عمرها ماتعمل كدا
والدته: والله لو عملت كدا انا مش هستغرب دي حربايه هي وامها
احمد: بعد اذنك يا ماما ماتغلطيش في مراتي ووالدتها ست محترمه وعمرنا ماشوفنا منهم حاجه وحشه
والدته: بص يا احمد نهاية الكلام ان انا عايزه اشوف عيالك قبل ما اموت والنهارده تاخد مراتك وتروح للدكتور وتسمع الدكتور بنفسك وهو بيقول ان مراتك سليمه
احمد: حاضر يا ماما انا هعمل كدا عشان اريحك.. بعد اذنك انا طالع شق
والدته: اطلع يا حبيبي وانا هستناك تطمني النهارده
احمد: ان شاءالله يا ماما
********
طلع احمد شقته وفتحتله عبير مراته وهي مبتسمه
عبير: حمدلله علي السلامه يا حبيبي.. ايه اتأخرت ليه
احمد: في ايه يا عبير هو انا عيل صغير مسكالي الساعه واتأخرت ليه وماتأخرتش ليه
