مشكلة الطلاق
انا طلقت مراتي من ست شهور وعندي منها بنت وهيا من بعد الطلاق بشهر اتكلمت معايا عن حالت بنتي انها تعبت اووي وفعلا انا شوفت حاله البنت اتقلبت وقد ايه بتمر بحاله سيئة جدا وان طليقتي مستعدة تعمل المستحيل عشان ترجع تعيش تاني معايا وتربي البنت مبينا ومتنازله عن اي حق ليها مقابل ان البنت تعيش مبسوطه وانا بشهد انها كانت بنت حلال وطيبه اووي وقمه في الاحترام والاخلاق وعملت المستحيل عشان ترجع ووسطط ناس كتير حتي ابوها كلمني قالي عشان بنتك واللي انتا عاوزة يبني نعمله عشان البت متدمرش اكتر من كدا بس انا الوحيد اللي رافضها وحاسس اننا مش متافهمين مع بعض ونا اللي طلبت الطلاق اكتر من مره ودايما اهلها يعقلوني لحد اخر مره والدها قالي هيا بنتي تقيله عليك يابني وفعلا المرادي انل صممت ع الطلاق وطلقتها مع العلم هيا كانت رافضه الطلاق نهائي وكلمتني كتير اني مطلقش بس انا صممت وطلقتها وعارف ان اهلها بيحبوني.. وحتي اهلي كلهم بيحبوها وبيشكرو فيها اووي وعاوزني ارجعها بس انا مش طايقها نهائي مش عارف مش شايفها نهائي وليا زميلتي في الشغل بنتكلم سوة هيا مطلقه ومعاها ولد وشرطها لما اتجوزها اخد ابنها اربي ونا موافق وشايف نفسي فيها ولما جيت فتحت اهلي ف
الموضوع بتاع زميلتي رفضو وقالولي انتا متفق معاها ولا ايه بس انا عاوزها واهلي عاوزين طليقتي واخواتي زعلو مني من يجي شهر بس انا اقنعت ابويا وجه معايا نتقدم مع العلم انا عارف اني ابويا رافضها ومن جواه حزين وجه معايا عشان ميزعلنيش وخطبتها ولما طليقتي عرفت حزنت اووي لانها بتكلمني في الرجوع من بعد الطلاق بشهر بس انا عاوز زميلتي واتفقت اننا هنتجوز خلاص لان شقتي جهزت من جديد كل حاجه انا كدا ظالم ولا ايه..بروح لبنتي مره بالشهر اشوفها واديها ٣٠٠نفقه وبجبلها حلويات معايا ونا رايح وبحس ان البنت متغيره اووي وبتقولي وحشتني وبتفضل تعيط عليا ونا ماشي بحس من جوايا بالحزن عليها بس مش عارف اعمل ايه وتفكيري كله في زميلتي سيطرت عليا مش شايف غيرها هل ربنا هيحاسبني ونا مفتري ولا ايه انا مش عارف بقيت مالي بقيت كدا ليه افيدوني انا كدا ظلمتهم ولا ايه
