اهل خطيبتى

فيه موضوع مكنتش حابب أتكلم فيه علني كده بس من كتر ما شاغل بالي قررت اخد آراءكم فيه و الآراء دي هتشكل جزء كبير من القرار اللي هقرره.

وهلخص اللي عندي في ٣ مواقف

أول موقف: كنت معزوم عند خطيبتي ( اللي فاضل على زفافنا شهرين ) يوم ماتش الأهلي والزمالك و أبوها بيتفرج ع الماتش طلع منه كوكتيل ألفاظ كده أثناء الڤرجة بدون أي مراعاة أو احترام لوجودي رغم انه عارف كويس إني بفضل الله و بشهادة الجميع شخص مؤدب ونضافة اللسان والبعد عن الكلام الفاحش ده مهم جداً عندي ، الغريب ان الكلام ده كان على مسمع من كل أهل بيته ذكور وإناث وفيه منهم أطفال صغيرين

الموقف التاني: 
وصلي عن طريق الخطأ فيديو ليها وهي قاعدة مع أمها واخواتها البنات وبيتكلموا كلام فيه ألفاظ قمة الفحش والبذاءة بما فيهم الأم نفسها و طفلة صغيرة بتشارك على خفيف و بتضحك على ألفاظهم

الموقف الأخير:
استدرجتها ف الكلام وعرفت بالتواريخ والتوقيتات إنها كانت موجودة ف أفراح في وقت هي كانت مفهماني فيه انها ( نامت ڠصب عنها - الكهربا قاطعة عندهم والنت فصل - الخ )

ملحوظة: آخر موقفين دول لسه عارفهم النهارده الفجر

ملحوظة تانية: الناس في أي مرة أروح لهم فيها بيكونوا في قمة الكرم وحسن الضيافة معايا ومشوفتش منهم ظاهرياً حاجة وحشة خلاف الموقف الأول

تنصحوا أخوكم بإيه من غير أي مجاملات ؟