جبر الخواطر
السلام عليكم ورحمة الله وبركاته
ممكن احكي موقف عن جوزي هو مش مشكلة ده موقف حصل منه معايا واتمنى من حضرتيك تنزليها حتى لو بره محتوى الصفحه بس هو جبر خاطر ليا ولجوزي والله هختصر اوي
انا من سنتين تعبت شوية و وبعد اللف والتحاليل والاشعات طلع عندي کانسر انا متجوزه من ١٠ سنين عندي بنت وولد على فكرة المهم ان جوزي لما عرف والله كنت بسمعه يعيط عليا وانا نايمه ولو حس بيا اني صاحيه يداري عني دموعه ويتظاهر انه عادي ولما كنا بنروح جرعات الكيماوي كان يفضل ماسك ايدي ومسابنيش لحظه واحده والاولاد كانوا عند ماما على طول عشان ميتعبنيش حتى الاكل لو محدش جالي يعمل الاكل هو اللي كان يعمله وانا نايمه من الوصفات على اليوتيوب وياكلني بايده وشعري لما نزل ووقع كله كان يقولي ده انتي كده اجمل بكتير وان شاء الله بعد ما تخفي تفضلي كده ودايما كان جابر بخاطري في امر واصعب الاوقات والظروف ربنا يجبر بخاطره علشان تفضل نفسيتي حلوه لان دايما الدكاترة كانوا يقولو اهم حاجه نفسيتها وده نص العلاج
انا بس حابه اوجه له الشكر واقوله الف شكر وربنا يخليك ليا و عاوز من حضراتكم تدعولي ان المړض ميرجعش تاني ويحصل ارتداد
