من بريد القراء
السلام عليكم انا بكتب دلوقت عشان عايز افضفض تعبان اووووي اقسم بالله ومحدش حاسس ب اي حاجه انا اتعرفت علي بنت من أحد برامج السوشيال ميديا بالصدفه الباحته انا من محافظه وهيا من محافظه تانيه بعيده عني وانا اصلا مسافر برا مصر اتعرفنا وانا كنت أول حد ف حياتها ومن حلاوتها ورقة قلبها ونضافتها من جواها وقد اي حد برئ وملوش ف اي حاجه حبتها وقولتلها وهيا بعد شوية وقت مش كتير كمان قالتلي انها بتحبني وعشت اقسم بالله احسن تلت شهور نتخانق ونتصالح وندخل ف مشاكل وتتحل وانا خلاص هيا دي ومفيش غيرها وكنت عامل حسابي بعد كام شهر انزل واروح اتقدملها ومعرفتش اي حد من اهلي ولا اي مخلوق يعرف اي حاجه قولت تبقا مفاجاه وعشان الموضوع يمشي زي م انا عايز جات فجاه تعبت دخلت المستشفي قعدت شهر والمړض انتصر عليها واټوفت الله يرحمها انا بقا حياتي ادمرت بمعني كلمه قلبي محروق اووووي تعبان اووووي راحت مني اجمل واحلا واحده عرفتها ومش هتتعوض اقسم بالله حد كويس اوووي فوق م اي حد يتخيل كنا اتفقنا علي كل حاجه حرفيا حياتنا عيشتنا هنسمي عيالنا اي كل حاجه وفجاه تروح وتاخد كل حاجه حلوه معاها انا بس محتاج منكم بالله عليكم تدعولها بالرحمه والمغفره لأنها تستاهل ده والله العظيم وانا اقسم بالله ديما بدعيلها وكمان كام يوم رايح اعملها عمره وباذن الله ربنا يقدرني واعملها حاجات كتير اووي تفرحها ف قپرها وادعولي ربنا يصبرني وربنا ميكتبهاش علي حد ابدا الفراق صعب اووووي اقسم بالله ادعولها كتير بالله عليكم
