عاوزه حل لمشكلتى

السلام عليكم انا محتاجة حل لمشكلتى لان دماغى وجعتني وتعبت جامد انا متجوزة من ٧ سنين وكنت فى حته وجوزى فى حته ويشهد ربنا انى كنت محافظه عليه ولا مسيته بسوء وكنت بحوله فلوس اساعده ومكنتش بطلب منه فلوس طلب منى اقعد من الشغل ونتجمع وعملت كده فعلا اتنازلت قولت فى سبيل اولادى واسرتى واتجمعنا طبعا لما اتجمعنا اتعرفنا على أصحابه ومراتتهم وانا فعلا بحكم غربتى كنت اجتماعياتى مش اد كده بس كنت لما بنخرج بيقعد يهزر مع مرات صاحبه وهى الوحيده اللى يهزر معاها كان معانا كذا واحده لدرجه انه احرجنى قدامها ولما روحنا البيت وعاتبته اټخانق ومد ايده عليا جامد وتانى يوم جه اعتذر وسامحته وقال مش ههزر تانى وهحترم مشاعرك بعدها برضه بيغصب عليا نروح نزورهم وبرضه يوم ولادتها كأن انا بالظبط اللى بولد كان متوتر وراح جاب هدايا غاليه وفلوس وقالى نروحلهم دلوقت وكانت لسه والده ممكن من ساعه بالرغم فى ولادتى مشفتهاش الا بعدها بشهرين .

انا اشتغلت فى مكان وكنا هننتقل صمم ان نجدد شويه عشان بيقول هيودى العفش فين وبرضه كل اجازة يقولى هتصل عليهم يخرجوا معانا.. اللى حصل ان جوزها كلمه قال احنا هنسافر فجوزى قاله مشغول فى شغله وكان على عينه يوصله وجه قالى هنزورهم قولت ماشى عادى كلمناهم ع اساس نروحلهم قالوا هنشوف ومردوش فجوزى كلمه ع اساس انه يقابله يديله حاجه يوصلها قابلناه فعلا وجوزى اصلا بحكم شغله بيضطر يبات فيه فقاله انا هجى اليوم كذا واوصلكم بسيارتى للمطار. فجه قالى هنروح نزورهم ونسلم عليهم وبعدين هبقى ارجع تانى اوصلهم  قولتله هم قفلوها فى وشنا لما قولنالهم هنجيلكوا وكمان انت قولتله هتبقى فى الشغل ليه ترجع تقوله هاجى مخصوص واوصلك واتخانقت معاه وانا فعلا كنت تعبانه اوى وحرارتى كانت عاليه ورحت المستشفى لوحدى واخدت ادويه ومحاليل بعد ماضربنى لدرجه انه شال ترابيزة الصالون وضړبني بيها وبالحزام وعلى جسمى وانا صايمه انا حلفت انى اعمله محضر لانى تعبت فعلا كل ده وعامله خاطر لولادى انا شغاله الحمد لله وراتبى احسن منه وهو دايما باصص للنقطة دى لدرجه انه عايزنى اجيب قرض ويشترى سيارة تانيه عشان شكله العام وبدعى ربنا انه يقفل الموضوع ده خالص لان هننزنق انا والله ماباخد منه قرش للبيت بقالى حوالى ٦ شهور وحتى بجيبله هدايا هو دايما عنده نكران انى بجيب حاجه وقالى لو هتشترى حاجه ملك يبقى تتكتب بأسمى مفيش حاجه اسمها اسمك اقوله بس دى فلوسى.. انا منكرش انى ماببنتخانق برد عليه بس هو فعلا يفضل يضرب فيا جامد فاضطر اشتمه والله مابكون قاصده بس من الالم اللى انا فيه..غير انى قفشته كذا مرة بيكلم حد..ارجوكوا فيدونى انا تعبت انا عامله خاطر لولادى هم اه صغيرين بس دا ابوهم برضه