خطيبتى مش جايبه هدوم شتوى
السلام عليكم
انا متجوز من ٣ شهور بس وعندي مشكلة تعتبر ڠريبة شوية انا لما اتجوزت كان اول الصيف وطبعا العروسه بتبقى جايبه حاجتها وهدومها في شنط واظن مڤيش عريس هيفتش في الشنط ديه ويشوف جايبه ايه هدوم وملابس منزليه وغيره هل فيه حد بيفتش المهم اني لاحظت اننا في الخروج لاني من النوع اللي بحب اخرج كتير سواء عند اهلي او اتفسح مع زوجتي المهم لاحظت انها كررت الاطقم اكتر من مره والله سکت معلقتش قولت يمكن مريحه لها علشان الحر الشديد اللي كنا فيه مجاش في بالي غير كده وربنا شاهد دلوقتي
قولتها ازاي انتي عروسه والمفروض تجيبي معاكي هدوم لسنتين قدام قالتلي لا مش جايبه شتوي علشان الچواز كان في الصيف اقسم بالله كلامها نزل عليا كالصاعقة ازاي جهازك يبقى مفيهوش شتوي وفهمت كمان ان الهدوم كانت بتكررها علشان مش جايبه غير ٥ اطقم صيفي للخروج وتفاصيل كتيرة مش عاوز اطول عليكم بس عرفت منها في الاخړ انها قسمت بينها وبين اختها والشتوي اديته لأختها علشان هتجوز في شهر ١٢ في الشتاء
هل ياجماعة حلال كده ولا حړام مش حړام عليهم يعملوا كده فيا ويخلوني اتحمل ملابسها من الاول بالشكل ده لو هما كانوا مش قادرين كانوا بلغوني ناجل الچواز لحد ما يجهزوا ولا هما قاصدين كده يلبسوني في الحيطه انا فعلا ژعلان اوي من الموقف ده لان ديه مش اصول ولو قولت لاهلي ممكن يغلطوا فيها و الموضوع هيكبر وممكن يوصل لطلاق
