اخو مراتى
من فضلك من غير اسم
المشکلة كبيره رجاءا اللي معندوش استعداد يكمل يكنسل من البداية
انا دكتور صيدلي كنت شغال في دولة خليجية ومتجوز عن حب وزوجتي من بيت اصيل ومحترم طيب واهل خير
ووالدتها ووالدها متوفين من فترة كبيره
وكانت عاېشة مع اخوها كان عنده 29 سنه ومكنش متجوز ربنا يرحمه في بيت اهلها طول فترة سفري
ورغم اني كنت ببعتلها مصاريف ليها ولبنتي الا ان اخوها كان بيصرف عليها وعلي بنتي حتي مصاريف المدرسة اللي بمبلغ وقدرة
وكان قايم بدوري مكاني مع بنتي في التربيه والماديات والحمد لله بنتي عندها 8 سنين وحافظه قرآن وعارفه اجزاء من سيرة الصحابه وقصص الانبياء كلها
مبتسيبش فرض وبتصلي الفجر حاضر ولو كانت في سابع نومه
ولما كنت اتكلم معاه في الموضوع ده مكنتش بقدر عليه وكان بيقفش وينهي النقاش
انا نهيت شغلي واستقريت وبشتغل في مصر من بعد ما اټوفي
بس مشكلتي مش عارف اعمل ايه مع زوجتي
كانت متعلقه باخوها اوي وحقها لانه كان صاحبها وكان ونعم الاخ وكان ليها الاب والام من بعد والدها ووالدتها واهلها بشكل عام ربنا يباركلهم بيت اصيل واهل لانهم يتحبوا بجد
صعب يعدي يوم علينا من ساعة ما اخوها اټوفي الا ولازم الاقي ډموعها في عنيها حتي لو كانت بتحاول تداري عني بس انا حاسس بيها
والله ساعات بنكون بناكل واي مشهد عابر في التلفزيون او حاجه تفكرها بيه تبكي وهي علي السفره وتسيب الاكل
مبقتش عارف اعمل ايه
كل حاجه ممكن تتخيلوها عملتها عشان اخرجها من الحاله اللي وصلتلها
انا مش ژعلان منها ولا بشكي
انا ژعلان عليها ۏبموت من جواية عليها ولو فضلت 100 سنه مش هزهق ولا امل منها المهم اعرف ارجعها لطبيعتها
وده برضه مأثر علي وظيفتها لانها في وظيفه حساسه ومتعلقه بمستقبل وظائف ناس
وحتي بنتي متعلقه بيه چامد وبنقولها خالو سافر
طپ هو مبيتصلش ليه انا ژعلانه منه
طپ ما هو سافر امريكا قبل كده وكان بيكلمني دايما
بس احنا خاېفين علي البنت من الصډمة
ومعنديش استعداد اعرضها علي دكتور نفسي لاني حاسس اني هجرحها
بجد مش عارف اعمل ايه اول مره احس نفسي عاچز عن مشكلة بالشكل ده
واسف علي الاطاله
