كان حرير

انا عندى جارتى لسه عروسه جديده المهم من يومين نزلت تقعد معايا لما النور قطع وبداءنا نتكلم ونتعرف على بعض فوجاءت انها كانت بتشتغل (مغسله اموات )مع والدتها بس من غير مقابل لله قعدنا نتكلم فالموضوع ده وسالتها ايه اكتر موقف قابلها وهيا بتغسل قالتلى معايا انا لا مع امى اه من كام سنه كانت بتغسل واحده وقبل ما تدخل على الغسل عرفت ان الست المتوفيه ليها ابن واحد بس وهوا عايش معاها هوا ومراته وولاده والولاد ده كان بيحبها قوى ومن حبه لامه راح جبلها ك0فن حرير لاكن مراته كانت غبيه وبتكرها وكانت بتتخانق معاه عشان الكفن غالى وبتقوله ده كتير عليها المهم الولاد قالها احنا عايشين من خيرها ودى اقل حاجه ليها-المهم الزوجه صممت انها تدخل الغسل فالست المغسلتيه رفضت وقالتلها انا سمعتك وانتى شكلك بتكرهيها ومش هينفع ادخلك الغسل وانتى بتكرهيها المهم انتخنقو مع بعض

 وفالاخر قررو انهم يدخلو بنتها يعنى حفيده الست المت0وفيه بدل امها وفعلا البنت دخلت الغسل والست بداءت فالغسل وفالاخر وهيا خلاص بتلف الكفن كانت المفاجءه ان الست قامت ومسكت فالمغسلتيه وقعدت تصرخ كل الموجدين جريو وخافو ولا حول ولا قوه الا بالله الست كانت عندها غيبوبه سكر وفاقت فاللحظه دى حفيدتها وقعت وقعدت عالكرسى المهم جريو جابو الدكتور قال اى مريض سكر لازم تستنو عليه 4 ساعات قبل ما تقولو انه م١ت ودى كانت غيبوبه طويله شويه فالاب قال طب ممكن تشوف بنتى احسن مغم عليها من ساعت متخضت الدكتور كشف عليها لقاها ميته شوفو سبحان الله الكل جاله ذهول من الموقف فراحت الست المغسله قالت لامها انتى استخسرتى الكفن فحماتك اهو بنتك ختتلف بيه..المهم القصه دى وجعتنى قوى وقلت اقولكم عليها عشان فعلا الكره وحش وممكن يقلب على الواحد نفسه لو وصل بيه الكره لاقرب الناس ليه أشْهَدُ أَنْ لا إِلهَ إِلاّ الله وَ أشْهَدُ أَنَّ مُحَمَّدًا رَسُولُ الله منقول