أسرار خفيه الحلقة الأولى بقلم فهد حسن
انت في الصفحة 1 من صفحتين
تقريبا معظم حالات السحر والمس بيكون اساسها بنات ده دفع فضولى البحث ورا السر ده ليه دايما كل اللى بيشتكوا من ان معمولهم سحر بنات او الممسوسين من جن بنات ! كان عندي بعض الأسباب اللى منها حقدهم ع بعض فممكن يعملوا لبعض اعمال وماشابه أو ان فيه ساعات من الليل بيكون فيها شياطين سارحة وبتدخل البيوت وبيكونوا نايمين بلبس خفيف مجرد حاجات كنت بسمعها لكن مكنتش كفاية كان لازم أدور بنفسي عن السر أو الأسباب الأقوى من ده وبدأت رحلة بحث كانت بدايتها قصة غريب لبنت اسمها هند الألفى
وفي يوم قررت ادور في الحاجات والظواهر الغريبة والحوادث اللى حصلت عالمية وكان حواليها دايرة غموض ولما دورت لقيت قصص ميصدقهاش عقل و منها بتحصل لستات أو لبنات !! فكرت ان فرق الثقافات او العادات ممكن يكون سبب لان معظم بحثي كان عن قصص غربية او في اوروبا الشرقية وامريكا واكترها اوروبا الشرقية بس ملمستنيش اه القصص غريبة ومرعبة بس إلى حد ما مش شبه الحاجات اللى بتحصل في مجتمعنا فكان لازم اني ابحث اكتر عن حالات واقعية اقدر اكتب عنها لان الموضوع شدنى جدا وحسيت اني ممكن اقدم حاجة مختلفة بس ابدأ منين وازاي دي كانت المشكلة بالنسبالى كان لازم حاجة او حالة قوية تلمس الناس ويصدقوها والأهم أجابة للسؤال اللى محيرني ليه معظم الحاجات دي بتحصل للبنات او الستات بجانب اللى بسمعه لأن اكيد فيه أسباب أقوى فضلت ابحث كتير وكانت كلها حاجات متتصدقش او ناس بتفتعل حاجات وبتمثل عشان تتشهر !!
صحيت من النوم في يوم وكعادتى في مرحلة الفوقان والتصفح لأراء القراء ورسايلهم لقيت رسالة من حد غريب مش عندي والغريب الأكتر انه مش في رسايل ال...!!
14ش السد شبرا مصر لو عايز توصل هتوصل في انتظارك ...
الاكونت كان اسمه عبارة عن نقط !! ومضمون الرسالة في المطلق يخليك قلقان ان تجازف وتروح لكن الفضول دايما غالب لبست هدومي ونزلت وانا مقرر اني هروح ووصلت شبرا مصر وكل ما اسأل عن الشارع محدش عارف
