أسرار خفيه الحلقة الأولى بقلم فهد حسن

! اللى يقولى هنا واللى يقولى هنا واللي يقولك هو قالك فين ! 3 ساعات بدور وبلف حوالين نفسي ومش عارف اوصل للمكان نهائي !! فوقفت عن كشك سجاير ارتاح واجيب حاجة ساقعة وسجاير وجت بنت صغيرة تقريبا 7 سنين فجأة لقتها واقفة قدامي قولت اكيد من اللى بيبيعوا المناديل فقولت لها الله يرزقك ومكنش فيه منها أي رد وفضلت واقفة برضه فخرجت من جيبي فلوس اديهالها ومكنتش باصصلها فضړبت ايدي ضړبة طيرت الفلوس منها بصيت لها وانا كل اللى جوايا اكلها قلم اعدلها واول مرفعت عيني لقتها واقفة الناحية التانية من الطريق !! كل ده في اجزاء من الثانية !! ازاي لحقت تعمل كده ! ..
شاورتلى بأشارة بتعبر اني اروح وراها !! 
وفعلا بدأت امشي وراها وبدأت تدخل شوارع غريبة وحواري أغرب وانا وراها الفضول ممشيني مش عارف ارجع لحد ما دخلت بيت جريت وراها وكأنها زي مابيقولوا فص ملح وداب !! اختفت تماما !!.
ولقيت ايد ع كتفي فاټفزعت وصړخت والټفت ورايا ولقيتها بنت في العشرينات لابسة نفس اللبس بتاع البنت الصغيرة بس ع كبير نفس الفستان وقصته وكل حاجة وشاورتلى امشي وراها !!
خبطت ع شقة واول مادخلنا الشقة لقيت ناس لابسة اسود وبتعيط وهي ماشية قدامي بس تقريبا محدش شايفها !! كنت مكدب نفسي لحد مدخلنا غرفة فيها كام ست كده قاعدة حوالين سرير عليه چثة والبنت نامت ع الچثة كأنها كانت جاية تجيبني او تدلني ليها !!!!!!
مش قادر اوصف ملامحها مشفتهاش او الموقف خلاني مشفتهاش كأني كنت معمي او نايم ماشي ومش بارادتي !! وفجأة لقيت نفسي في وسط ناس معرفهاش وجه في بالى هو لو حد من الناس دي سألني انت مين هرد اقول ايه !! ..
اجابة السؤال وصلتنى في لحظتها إنى انا كمان مش موجود !!! محدش شايفني !!!!
ناس دخلت شالوا الچثة وحطوا في النعش وهي كانت معايا وبتشاورلي اتبعها وركبتنى معاهم جمب النعش!! انا مغيب ولا مېت ولا عايش ولا ايه اللى بيجرالى بالظبط!...
وصلنا والعربيات وقفت ونزلت لقيت نفسنا في المقاپر والبنت ادفنت أو جثمانها ادفن لكن هي واقفة جمبي عادي جدا ومبسمة ومبسوطة جدا !!
وبعدها قالت لي انا مموتش انا بمثل اني مېتة انا واقفة جمب اهو مفعول السحر هيبطل لما ادفن وابات ليلة في القپر ده اخر حل ممكن الجأله بعد كل اللى انا شفته امشي دلوقتى ..
اكتب عني رغم اي نتايج مش كتير هيصدقوك بس المهم ان تعبي واللى عشته يتعرف ...
فجأة صحيت من النوم وانا پصرخ ومش مستوعب أن كان ده حلم ولا حقيقة ! مكنش فيه جوايا اي تردد اني اروح المكان لاني فاكر كل حاجة فيه بكل تفاصيله ولبست
وجريت ع هناك ولقيت فعلا فيه مېت ورقة متعلقة ع باب العمارة مضمونها نعي لحد ماټ اسمه هند الالفي جريت ع المقاپر وانا مش عارف اللي شوفته امبارح ده كان حقيقة ولا كان حلم ولا ايه تفسيره بالظبط !!
بس لما وصلت ملقتش غير شاب في سنى وراجل كبير والكام ست اللى كانوا في الأوضة مع الچثمان والشاب بيقولهم ادينى مشيت ور اكوا لحد مضيعت مراتي واهي ماټت بجد ياريتنى مسمعت كلامكوا ياريتنى ...وقلبي اتقبض من شكل المقاپر ولقتها قاعدة ع الشاهد وقالت لي 
كنت عارفة ان فضولك هيجيبك انا مت بسبب اني مشيت ورا التخاريف الراجل الدجال قال لي حلك الوحيد ټدفني يوم في المكان اللى اتعملك فيه السحر وهيتفك ولقيت نفسي في القپر وانا صاحية قلبي متحملش الخضة وانا مېتة دلوقتي فعلا ارجع بيتنا وهتعرف الحكاية كلها انا مقدرش اكون موجودة اكتر من كده .
اختفت ولقيت نفسي لا اراديا راجع ع البيت وبخبط ع الباب فتحت لى البنت الصغيرة بنفس اللبس !! وقالت انت مين ياعمو 
قولتلها انا احمد سامى ممكن اكلم بابا او ماما 
ردت بتلقائية ماما ماټت ياعمو مش انا جبتك هنا امبارح وانت شوفت !..
قطع كلامها صوت الشاب ده وهو بيقولها خشي جوه يا ميرنا وقالي مين حضرتك 
عرفته بنفسي واني صحفي وكنا بنراقب الدجال ده وراصدينه كصحافة وقصة مدام هند كانت غريبة او الاغرب فجيت لحضرتك عشان اكتب عنها لو تسمح عشان الدجال ده ياخد جزاءه وعزيته ...
بدأ يحكي ويقول 
كان ليها واحدة صاحبتها ياما حذرتها منها مكنتش بتحبها من ايام خطوبتنا وكتير كنا پنتخانق بسببها مع مرور الأيام اتجوزنا وهي مكنتش بتتجوز بالاضافة انها بتغيير من هند والموضوع زاد بعد ما خلفنا ميرنا بدأت هند تتغير مع مرور بدأت تتعب وبدأ التعب يزيد ويكبر بتشنجات وحالات صرع دوخناض ع الدكاترة ومكنش عندهم اي تشخيص للحالة فلجأنا للراجل الدجال وقالينا ان في واحدة عملالها عمل قوي جدا وعليها جن ترابي لازم يتفك السحر وصرف الجن انها تبات ليلة في القپر اللى اتاخد منه التراب اللي سخر الجن ده حلها الوحيد
قطعت كلامه وقولت له انا مش هتعب حضرتك اكتر من كده ارتاح وهاجي بكرة لحضرتك نكمل واستأذنت ومشيت ووصلت البيت وكتبت قصتي الأولى في سلسلة الحاجات الغريبة اللى قررت ادور عنها واكشفها للناس ...
كتبت أول بداية لأغرب قصة انا سمعتها لاني عشتها بكامل تفاصيلها مش هتكون الأخيرة لان جوايا شغف وفضول رهيب اكمل واجمع اكبر عدد ممكن من القصص الغريبة واكشفها للناس ..
يتبع ...
أسرار_خفية
الحلقة الأولى
فهد_حسن