لا تعذبني فإننى مېت
انت في الصفحة 2 من صفحتين
انام وفعلا مشيت معاها لحد اوضة النوم واول ما دخلت لقيت مراتي نايمة علي السرير في سابع نومة امال مين اللي كانت معايا دلوقتي...!
جسمي بدأ يرتعش من تاني و كنت سامع دقات قلبي بدق تك... تك لغاية ما قررت اني انام و كفاية اللي حصل و اللي شوفته بس كان لازم اطفي التليفزيون عشان اعرف انام...
فضلت ماشي ناحية التليفزيون و حاسب خطواتي خطوة خطوة لحد ما وصلت و شيلت الفيشة و بعدين رجعت عشان ادخل الاوضة وانام لكن اول ما وصلت للاوضة انا ملقتش مراتي..
دورت عليها في الشقة كلها لحد ما لقيت باب الحمام بيطلع صوت وصلت عند الحمام و اول ما وصلت لقيت الباب موارب... سميت الله و فتحت الباب براحة ولما فتحت...
لما فتحت انا مشوفتش حد جوة و مراتي مكنتش جوة جيت عشان اخرج من الحمام وقبل ما الټفت ورايا سمعت صوت حد بيقول بدور عليا..
فتحت عيني الظاهر اني كنت بحلم زي كل مرة بس ثواني اي اللي علي التيشرت ده.. ده.. ده ډم..
اول مرة يحصل انا علي طول بحلم احلام عادي لكن حلم يتحول لارض الواقع ده امر صعب..
طلعت علي طول النوتة بتاعتي وبدأت اكتب فيها الحلم عشان منساش اي تفاصيل لكن بعد شوية حسيت ان في حاجة غلط انا حاسس احساس غريب انا لما بكتب قصة او رواية او عمتا اي حاجة بحس الاحساس اللي انا حسه دلوقتي و الاحساس ده اول مرة كنت احسه لما كتبت قصة..
و القصة ده كانت بتكلم عن حاجات كتير جدا و من ضمنها القرين و عالم الجن و شوية تفاصيل تانية بس الغريب بعد ما كتبت القصة ده و الموضوع بدأ من عندها و الموضوع بقا صعب...
بس انا فاكر اني كنت بكلم في القصة عن المۏتي و ازاي نقدر نتواصل معاهم عن طريق شوية حاجات بس انا مش عارف ده ليه علاقة ولا لا بس اللي انا متاكد منه هو الموضوع بدأ لما كتبت القصة الموضوع بدأ من وقتها انا لازم الاقي حل قبل ما الموضوع يكبر و اضطر اروح لدكتور نفساني و كان اشهر دكتور عندنا هو دكتور محمد المسيري و في ناس بتقول عليه مخاوي لانه بيفهم في الجن لكن اللي لازم تعرفوا ان الحكاية هتبدأ الحكاية مخلصتش ده مجرد البداية ده مجرد البداية لحاجة كبيرة جدا حاجة
يتبع في سلسلة الدكتور محمد المسيري... انتظروا...
