فرق المستوى التعليمى

السلام عليكم ورحمه الله وبركاته انا اول مره بحياتي اعمل حاجه زي كده اني استشير حد كل قراراتي من دماغي ولاكن الامر ده محيرني  وعشان اختصر علي حضراتكم انا شاب صعيدي اعمل خارج مصر خطبت فتاه من نفس القريه دكتوره صيدلانيه وعشان متدخلش في تفاصيل تطول هيا بتحبني وانا حبيتها ومكنتش هاخد خطوه زي دي الا لما لقيتها هيا عيزاني واهلها رحبوا بيا ناس طيبه وانا من عيله طيبه ومعلوم عندنا في الصعيد قبائل وعائلات وكان الاتفاق انها متشتغلش انا عايز زوجه وام لاطفالي ترعاهم وكل طلباتها تاجي لغايه عندها واخوها الصغير يفتح كده كده قاعد في الصيدلايه بتاعتها وابوها كان موافق علي الرئ ده لان دي صيدلانيه واي حد هيقوم بالعمل وفلوسك لنفسك يابنت الناس تولعي فيها تحرقيها تديها لاهلك مش مشكلتي وانا بسبب فرق العمله الامور معاي الحمد لله تمام يعني انا لا محتاج لشغلك ولا فلوسك هنعيش حياه كريمه فرحي قرب وانا من بدايتي جد مليش في شغل المحڼ والقرار الي باخده مبترجعش فيه وده طول فتره الخطوبه عشان تعرف طبعي مش هيتغير  

فرحي قرب وهيا من بدري بتحاول تفتح معاي موضوع انها تروح الصبح ترجع الضهر وانا رافض رفض قاطع اخوكي داير شغلك انتي تقسمي امورك تروحي يوم كل ما تعملي جرد وبالتلفون هينزل كل حاجه نقصاه وانا مش محتاج فلوسك
ابتدت تدخل في سكه نساعد بعض وفلوسي علي فلوسك هنعيش حياه افضل نهيت معاها الكلام بان ده اتفاقي من البدايه ولو فلوسك هتعالجني من اخبث الامړاض انا مش عايزها واعيش بالمړض او استلف فلوس من الناس ولا اقبل اخد جنيه منك انتي يوم ما هتكسبي في الشهر هتكسبي 5 الاف 10 الاف انا مش عايزهم ومش هنقص منك اي حاجه وهعيشك في نفس الرتم ده