سحر حماتى فهد_حسن

الصالة حاجة رفيعة وبتزحف ده أكيد .. أكيد حد عملنا حاجة ده شيطان.
كنت ماسك تليفوني في ايدي ومن غير أي كلمة فتحت فولدر القرآن وشغلت سورة البقرة ومع القرآن سكتنا وسيبت التليفون بره ودخلت الحمام وخرجت عملت شاي حاولت أفكر تفكير منطقي لكن اللي بيحصل ملهوش أي علاقة بأي منطق..
مع الوقت الأجواء رجعت لطبيعتها القرآن شغال وهما ناموا وصحيوا وأنا قعدت اقرأ شوية وشوية أتابع النت وهكذا لحد ما جرس الباب ضړب كانت الساعة 10 وكان كشاف النور لما فتحت الباب لقيت وشه أحمر ومنفخ وحاطط منديل على بؤقه ومناخيره وعمال يكح وقبل ما أسأله قال بزعيق
_ إيه القرف اللي انتوا حاطينه ده.
عيني جت على الأرض مكان ما كان بيشاور رجلين فراخ متقطعة قطع وكل قطعة عليها ډم وفيها إبرتين غارزين فيها وعليهم دود وريحتهم أبشع مما تتخيل.
سابني ومشي وهو في قمة غضبه دخلت لبست كمامتين بسبب الريحة ومليت جردل ماية بصابون وأخدت كبس ز بالة وخرجت أمي وأخواتي كانوا في حالة صدمة لا قادرين ينطقوا ولا مستوعبين الحاجة دي اتحطت في المكان ده إزاي!
لمېت القر ف ده ومسحت الأرض وحاولت بقدر الإمكان انضف تجويف العداد واخدت الحاجة ونزلت رميتها في الز بالة على الشارع بره وجبت معطر وبخور وأنا راجع وكلمت أبو واحد صاحبي راجل محترم قريب من ربنا فقالي إن ده غالبا سحر وإن الناس بقت سماتهم الأولى الأذية قفل معايا وكنت رجعت البيت وبعت لي مجموعة من آيات التحصين نقراها كلنا وسور من القرآن نداوم على قرآتها بشكل يومي.
لسه مفيش جديد حصل بس الأمور اتحسنت إلا حد ما ولسه بنفكر نواجه حماة أختي دي ولا لا لأن كل حاجة بتؤدي لإتهامها لأنها آخر واحدة مشيت يوم السبوع من عندنا وده كان غريب اصلا انها تقعد مدة طويلة معانا فدلوقتي احساسي بيقولي انها كانت مستنية الكل يمشي وهي تقدر تعمل كده .. أدينا هنشوف.
بس سؤالي هل فعلاوحد ممكن يعمل لحد سحر كده ويكون ليه أثر ولا دي مجرد أوهام ولا إيه
ياريت تقولوا لي رأيكوا لأني هتجنن..
تمت..
قد_يحدث_لك 
فهد_حسن