اخدت حق بنتى

شوفوا انا صح ولا غلط في اللي عملته بنتي حبيت واحد وهو جه اتقدملها سألنا عليه لقينا اهله مش كويسين اوى وان العيشه صعبه معاهم مش كويسين بمعنى انهم جاميدن في التعامل نصحت بنتي وقولتلها بلاش قالت بحبه وحياتى انا حره فيها بعد جدل كتير وافقنا واتجوزت من تلات شهور كنت اروح ازورها احس انها مش تمام اسئلها تقولي مفيش حاجه وخسيت وشكلها اتبدل ومنعوها من زيارة اهلها ممنوع اصحاب ممنوع اهلك غير في المناسبات المهم لقيت بنتي بتتصل عليا بتقولي الحقينى يا ماما طلعت اجري اشوف بنتي لقيت جوزها ضاړبها وحماتها بټشتم فيها وضړباها ولما سألتها فيه ايه قالت من يوم ماتجوزت وانا في ذل واهانه وضړب من جوزي وامه لو ندهو عليا ومسمعتش او اتاخرت الدنيا تقوم عليا لدرجة ان جوزي ب بالشلاليت قدام اهله تحت وممنوع اطلع شقتى من تالت يوم الفرح غير بليل قولتلها ايه سبب المعامله دي قالت من غير سبب وحماتي متعوده ټضرب سلايفي عادى واخوات جوزى البنات خط احمر يتخدموا في صمت وياخدو اي حاجه من شقة اي واحده فينا عادى وممنوع ناخد مفتاح شقتنا قولتلها وانتي ليه مقولتيش لينا كل ده وخبيتى كل الإهانة دى واخد بنتي في حضڼي وطبطبت عليها وقولتلها لمي هدومك ونزلت تحت عند حماتها قولتلها ليه عملتي كده في بنتي قالت بنتك تستاهل وايه يعني لما اضړبها انا حره قولتلها يعني ده ردك قالت اه كانت ليها بنت واقفه جيت جايبه بتها من شعرها ونزلت فيها طلعت كل الغل اللي جوايا و حماتها هى كمان حظى ان مكنش حد موجود في البيت غيرهم وقولتلها انا  بنتك زى ما بنتى بنتك مش احسن من بنتي وانا حره زى ما انتي حره و

فضحتهم وروحت لجوزها في الشغل دخلت عليه  بالقلم ع وشه وقولتله لمآ تتعلم تصون بنات الناس يبقا يتقال عليك راجل الراجل اللي يعامل مراته بالشكل ده يبقا مش راجل ولا يعرف حاجه عن الر--جوله وخليته ميسواش جنيه في قلب شغله وقولتله ورقة بنتي توصلها بدل ما هبهدلك في المحاكم ورجعت بالبنت البيت وقولت لابوها ع اللي حصل اخد البنت وعملهم محضر في القسم بضر--بهم فيها الناس كلها دلوقتي مغلطاني وبتقولي خر--بتى ع بنتك هو المطلوب مني ان عشان بنتي حبيت واختارت غلط يبقا اقولها استحملي وعيشي واضغط ع بنتي تعيش في ذل واهانه طول عمرها مع واحد  مفكر ان - الناس لعبه ان مكنش اهل الواحده سندها وميقبلوش عليها الاهانه يبقا مين سندها انا بنتي اتبهدلت