حامل فى توأم

بدأت افتح عيني واحدة واحدة بصعوبة، واول حاجة شوفتها ولادي التؤام ولدين زي القمر نايمين في السرير اللي جنبي والناحية التانية أم شهد شايلة بنتي الكبيرة اللي اول ما شافتني بفتح عينية قربت مني وخبطت على ايدي بما معنى اطمني يا ماما كله تمام،
وبدات ام شهد تحكيلي

الاخيره 
وبدات ام شهد تحكيلي على اللي حصل  من اول ماسمعت صوت عربية الاسعاف تحت البيت وشافت الدكتور المشبوه بيركبني الاسعاف ومعاه اتنين ممرضين وانا غايبة عن الوعي فجريت على العميد هشام بسرعة عشان يلحق يتصرف.

وإللي ماكنتش اعرفه إن من ساعة ما حكيت للظابط جاري على الدكتور وهو حطه تحت المراقبة ومستني فرصة عشان يقبض عليه متلبس ودي كانت احسن فرصة بالنسبة له للقبض عليه
وطبعا اول ما اتقبض عليه اعترف على جوزي في ساعتها انه شريك معاه،

 بس للاسف جوزي اترحل على مصحة للأمراض النفسية والعصبية لأن الاعشاب اللي كنت بديهاله طلعت نوع  خطير من المخدرات اثرت على عقله جامد زي ما أثرت على باقي جسمه، وطبعا مقدرش يتكلم ولا يقول على  مكان أبني فين.

لكن ماكانش صعب عليا  بعد كدة إني اعرف مكان أبني  واوصله سواء عن طريق شركة الاتصالات أوالمكالمات والرسايل اللي على موبايله.
لكن إللي كان صعب فعلا ازاي اقدر اخد طفل ماكملش 3 سنين من احضان امه حتى لو مش هي اللي خلفته، بس هو مايعرفش أم غيرها وأنا بالنسبة له كنت الست الغريبة الشريرة 
وقفت قدام معضلة الأم هي اللي ربت وتعبت ولا إللي حملت وولدت  عشان كدة سيبته يعيش معاهم فترة وخصوصا انهم كانوا بيحبوه حب رهيب وكنت بزوره من فترة لتانية عشان يتعود عليا واقدر بعد كدة اخده يعيش معايا