حنين وليل
تالين: يارب اثفي اخويا واي تاني مش عارفه
_طب بصي انا هدعي وانتي قولي امين
تالين ببراءه: ماثي
(خدت تالين وطلعنا علي المستشفي نطمن علي ايان وطول الطريق بدعي وهي بتقول امين لحد موصلنا )
_ ياترا هما هنا ولا راحو مكان تاني
تالين: احنا بناجي هنا كتير
_ بجد
تالين: اه وعربيه بابا هناك اهي
الممرضه بذوق: تعالي معايا اوصلك عندو
_ تسلميلي ي قمر هتعبك معايا
وصلنا قدام الاوضه وشفت ليل قاعد حزين اووي مستني الدكتور يطلع يطمنه
تالين: بابا
حضنها ليل جامد وعيونه دمعت
كلمت ماما وعرفتها اني هتاخر
ليل بلهفه: ها يدكتور ابني عامل اي
الدكتور: انا قولتلك بلاش يوصل للحاله دي عشان ممكن نوصل لمرحله صعب فيها العلاج المرادي ربنا كرمه المره الجايه يعالم هيحصل اي ولازم ينتظم في المتابعه مع الدكتور النفسي
ليل بحزن: حاضر ممكن ادخل اشوفه
(طبعا انا الفضول هيموتني وعايزه اعرف ليه ايان حصلو كده وكمان ليل متقبل الموضوع كده بانكسار )
_ ي دكتور لو سمحت
الدكتور: خير
_انا اسفه هعطلك بس ممكن تقولي ايان عندو اي
الدكتور: هو انتي مين
_ انا الميس بتاعته فعايزه اعرف هو ماله
الدكتور: ايان عندو اكتأب حاد
_ نعااااام اكتأب اااااي طفل زي كده عندو اكتأب
ده وصل معاه انه بيجيلو تشنجات زي مشفتيه كده ومناخيرو بتنزف من شده الضغط النفسي اللي بيوصل ليه لما بيزعل
_ ياربي انا مش قادره اصدق طب هو علاجه اي
الدكتور: حاجه بسيطه خالص هو انه يحس بالامان يحس بالحنيه مش علطول خايف عايز حد يهتم بيه ويخلي بالو منه
(انا حاليا مصدومه ايوا يعني اي طفل عندو اكتأب حاد هو شاف اي من الدنيا لسه عشان يوصل للحاله دي )
خرجت تالين من الاوضه: ميس حنين ممكن تجبيلي اشرب
_ تعالي ي قلبي
