قرية العبايط بقلم محمد مهنى

قريتنا غريبة شوية.. غريبة في أطفالنا ايه ده يعني ايه الكلام ده! اصبر هحكيلك كل حاجة ماتستعجلش.. احنا قريتنا اسمها قرية العبايط اسم غريب مش كده! ايوة اسم غريب وليه حكاية طويلة اوي.. واساسها ان أطفال قريتنا دي بيتولدوا من الاطفال اللي بيكون اطفال منغولين...
كل القرية بتخلف اول طفل طبيعي لكن للاسف بېموت بعد اشهر قليلة من ولادته.. واللي بيعيش بس أطفال متلازمة داون...

وده كله بسبب لعڼة حصلت زمان وانا جاي احكيلكم الحكاية من اولها!..
هي بتبدأ من الظلم والقهر وتنتهي بالقطط!
خليني الاول اعرفكم بنفسي.. انا خالد من قرية ريفية في احدى المحافظات.. مش مهم تعرفوا اسمها.. لكن هقولكم بس على اسم القرية... قريتي اسمها غريب.. قرية العبايط! وده بسبب ان قريتنا كل أطفالها من الاطفال اللي عندهم متلازمة داون او زي ما بتقولوا عليهم أطفال منغوليين.. عايز اقولكم ان في قريتنا الست بتخلف اول طفل طبيعي لكنه للأسف بېموت بعد شهر من مولده! وما بيعيش بس غير الاطفال المنغوليين!.. واي بنت من قريتنا تعتبر مصاپة باللعڼة دي.. خلفتها اطفال مشوه او اطفال منغولين.. اكيد دلوقتي هتستغربوا انا ليه طفل طبيعي الإجابة بسيطة ان امي مش من قرية العبايط.. امي من القاهرة وعلشان كده انا طفل طبيعي...
كنت دايما بسأل نفسي ليه يا جدي كل اطفالنا كده! مكنش بيرد عليا ويتهرب من السؤال ده.. لكن كان نفسي اعرف السبب.. لحد ما عرفت فعلا السبب واكتشف ان الحكاية بدأت بظلم وقهر وبتنتهي بالقطط!
كنت في يوم قاعد فوق السطح في نص الليل.. كنت زهقان.. فقعد اشم هوا.. وانا سرحان وببص على الارض بتاعتنا من السطح.. حصل حاجة غريبة اوي! الأول سمعت اصوات لعشرات القطط اللي كانوا بيتخانقوا مع بعض.. وبعد ثواني من الاصوات دي لقيت عشرات القطط السودة ظهروا من وسط الارض.. اتجمعوا و لفوا حوالين بعض على شكل دايرة.. استغربت منظرهم.. وسألت نفسي هما ليه عاملين دايرة بالشكل ده! والاجابة على طول جاتلي.. شوفت ست خرجت من وسط الأرض برضه.. ظهرت من العدم.. وأول ما ظهرت القطط فكوا الدايرة والست دي دخلت جواها وبعدها قفوا الدايرة عليها وبقت هي واقفه في النص.. لاحظت ان الست دي كانت شايلة طفلين على ايديها.. ولقيتها قعدت في نص الدايرة اللي عاملينها القطط.. وفضلت ټعيط.. كانت بتندب مش بټعيط وكانت بتقول جملة واحدة وهي بتندب 
ظلموا العيال يااااماه.. لعڼة وحلت عليهم يااااباه... الظلم ظلمات... اااااااه على العيال ياااااماه
وفضلت تردد الكلمات دي بنغمة حزينة اوي! حرفيا شكلها ده خلاني اعيط.. وحسيت انها اتظلمت.. لكن ايه حكايتها معرفش.. او تقدروا تقولوا لحد ما بكتب لكم دلوقتي معرفش.. لكن عرفت الحكاية اللي بجد كانت حكاية تقطع قلب اي بني ادم
عنده احساس وانسانية! 
الست بعد ما ردت الكلمات دي لقيتها قامت من مكانها وبصت لي وابتسم ودورت وشوها ومشيت جوه الارض.. والقطط لقيتهم بيدخلوا جوه بيتنا.. واول ما دخلوا سمعت صوت صړخة هزت بيت جدي! وكانت صړخة بنت عمي.. جريت ونزلت علشان افهم ايه اللي بيحصل.. ولما نزلت عرفت ان بنت عمي بتولد.. كانت پتتوجع جوه.. ومرات عمي لقيتها