قرية العبايط بقلم محمد مهنى

 جريت تجيب الداية.. البيت حرفيا اتقلب.. لكن انا لاحظت حاجة وافتكر ان محدش كان ملاحظها لاحظت ان القطط واقفين عند عتبة اوضة بنت عمي اللي بتولد فيها.. واتاكدت ان محدش غيري شايفهم لان لما الداية دخلت لقيت القطط دخلو وراها ومحدش منعهم وده معناه إن محدش شايفهم.. فضلت واقف بره مستني انا وجوز بنت عمي وجدي لحد ما سمعت صوت صړخة لقطة! ولما سمعت الصوت ده لقيت مرات عمي طالعة وعلى وشها الحزن.. وكمان على الداية نفس الحزن.. 

وجوز بنت عمي قرب لمرات عمي وقالها 
ايه طمنيني! 
للاسف طفل زي اللي قبله.. لكنه طفل مشوه!.. 
بنتك طالق يا حجة روحية.. انا صبرت لكن مش هقدر استحمل.. هتجوز بنت بره قرية العبايط.. نفسي في عيل طبيعي يشيل اسمي... مش طفل يعيش عبيط طول عمره! 
قال الكلمات دي وامي للاسف ماقدرتش ترد عليه.. بنت عمي دي الخلفة التانية ليها.. الطفل الاول كان طبيعي لكنه ما___ت بعد الشهر التاني كعادة اطفال القرية اللي بيتولد طفل طبيعي ويم___وت بعد الشهر التالت.. 
واللي بيعيش بس الطفل المنغولي!.. 
لعڼة غريبة ونفسي اعرف سببها.... وليه الطفل المنغولي بس اللي بيعيش!
فضل السؤال ده يدور في عقل بالي.. اسال جدي مايردش.. وحتى ابويا اساله كان بيتهرب برضه وميردش.. وحتى لما اسال امي تقولي 
خليك في حالك ومتسالش كتير
لكن مش هسكت وهفضل ادور ورا الموضوع لحد ما اعرف حل اللغز..
المهم بنت عمي خلفت الطفل اللي كان مشوه مش منغولي بس.. وكمان اتطلقت! كان يوم حزين جدا على البيت.. وبنت عمي فضلت قاعدة في اوضتها ورافضة تمسك ابنها.. بتقول عليه انه لعڼة ومش عايزاه.. لكن حرام ده طفل مالوش ذنب.. لكن هي مصره ماتمسكوش.. وللاسف الطفل ما... ت!.. لانه كان نازل ضعيف اوي.. كان هيكل عظمي حرفيا!..
بعد يومين من اللي حصل كنت قاعد في اوضتي لوحدي.. وابويا كان في القاهرة بيخلص شغل وامي كمان كانت معاه.. المهم كنت قاعد لحد ما سمعت صوت جاي من بره.. صوت عارفه كويس.. كان صوت نفس الست اللي بتندب اللي شوفتها عند الارض! كنت سامعها بتردد كلماتها بحزن 
قت___لوا العيال ياااااماه... لعڼة وحلت على البلد... ظلم وظلام.. ومسير الحق تيرد مهما الزمن طول! 
كلمات حزينه ومقبضه اوي! خرجت ساعتها من الاوضة.. واول ما خرجت من البيت.. لقيت الست واقفه في مدخل البيت
ونفس القطط حواليها... كانت واقفه وبصالي بكل حزن.. وفجاة لفت وشها وخرجت من باب البيت.. ووقفت في نص القرية وبصت لي ولفت وشها تاني ومشيت وسط الأراضي.. دخلت وراها بفضول وكنت بتتبع صوت نحيبها لحد ما وصلت عند مقاپر البلد.. واول ما وصلت شفت اللي حرفيا خلى قلبي كان هينط من مكانه!.. شوفت طفلين على الارض والقطط كانت حوالين الطفلين وكانوا....
يتبع..
محمد_مهني
قرية_العبايط